O Sindicato Labrego Galego-Comisións Labregas acollerá dende o vindeiro martes 21 de xuño unha delegación internacional da Coordenadora Europea do movemento labrego mundial La Vía Campesina (CEVC), da que o SLG-CCLL forma parte.
17 de Xuño do 2022
O Sindicato Labrego Galego-Comisións Labregas acollerá dende o vindeiro martes 21 de xuño unha delegación internacional da Coordenadora Europea do movemento labrego mundial La Vía Campesina (CEVC), da que o SLG-CCLL forma parte.
Integrada por representantes do Grupo de Traballo de Migración e Traballo Rural da CEVC, así como de organizacións a nivel estatal (citar organizacións?), esta delegación de persoas participará na xornada aberta ao público “Agroecoloxía ou barbarie. Como nos maltrata a agroindustria”, que terá lugar en Santiago de Compostela o vindeiro mércores 22 de xuño, de 10.20h. a 17.30h., no Centro de Interpretación de Parques e Xardíns (Belvís).
Este encontro aberto, canda as xuntanzas e distintos espazos de traballo que partillarán as distintas organización acollidas polo SLG-CCL, terá como obxectivo analizar o modelo agroindustrial dende a perspectiva da produción labrega, dos dereitos laborais, dos dereitos das mulleres, do medioambiente e da Soberanía Alimentaria dos pobos, recollendo insumos para elaborar colectivamente unha estratexia común de loita contra a Agroindustria, así como de defensa do modelo de produción labrega e agroecolóxica.
Programa da xornada dispoñíbel no documento adxunto.